Iniciativa galega de canto e danza comunitaria inspirada nos principios da musicoterapia social, a participación cultural e a celebración colectiva.
Entendemos o canto, a música, a danza e as artes como ferramentas de encontro, coidado e apoio mutuo, capaces de activar comunidades e fortalecer os vínculos entre as persoas.
A través da música e danza popular, da emoción compartida, da creación de rituais contemporáneos e da ocupación performática do espazo público, construímos experiencias onde persoas de diferentes idades poden cantar, emocionarse e celebrar xuntas, crear vínculos reais e sentirse parte dunha comunidade viva.
Porque para nós o canto e a danza son, antes que nada, un lugar de encontro.
Cantamos e bailamos para crear comunidade.
Cantar xuntos para crear comunidade.
Mais Cantos é canto comunitario, participación cultural e creación colectiva.
Unha comunidade viva que canta, se coida e celebra xunta.
O canto como lugar de encontro.
Non necesitas saber cantar.
Só ter ganas de compartir, emocionarte e formar parte dunha comunidade que canta.
Concertos participativos, pasarrúas, performances, accións urbanas e grandes experiencias de canto comunitario no espazo público.
ACTIVA A TÚA
COMUNIDADE!
O Modelo Mais Cantos é unha tecnoloxía social para activar comunidades a través do canto comunitario, o ritual contemporáneo e a creación colectiva.
Dez anos construíndo comunidade:
Creado e desenvolvido por Nelson Quinteiro, o Modelo Mais Cantos é resultado de dez anos de laboratorio semanal permanente, continuado e simultánea en diferentes centros de ensaio da comarca de Pontevedra.
Centos de funcións e experiencias comunitarias foron conformando unha estética, unha linguaxe e unha maneira de facer propias, hoxe perfectamente recoñecibles.
Un percorrido alimentado pola confluencia dunha longa traxectoria na creación artística, a formación e a práctica profesional e universitaria, e polo coñecemento e a profundidade que só proporcionan determinadas vivencias de calado en primeira persoa.
Todo ese camiño permítenos hoxe fundamentar, nomear e compartir unha maneira propia de facer.
Pero o verdadeiramente importante é moito máis sinxelo.
Aquí atoparás unha comunidade en acción.
