No Modelo Mais Cantos, o esencial constrúese cada semana, nos encontros, nas sesións e na vida dos grupos.
Pero é nas experiencias Mais Cantos, onde todo cobra sentido, onde esa comunidade sae ao encontro dos demais, faise visible e ocupa artisticamente rúas e prazas.
Non somos figurantes: somos participantes, intérpretes, creadoras, axentes vivos e protagonistas.
Música, canto comunitario, ritual contemporáneo, celebración e encontro transforman o espazo público.
Unha rúa, unha praza, un recipiente escénico deixan de ser lugar de paso para converterse en lugar de encontro. E iso é algo que queremos que aconteza na túa vila.
LÉVANOS!
Un itinerario. Moitas voces. Unha comunidade.
Unha experiencia participativa de canto, música e encontro que convida á veciñanza a cantar e celebrar xuntos/as o seu espazo público.
Porque o pequeno tamén é extraordinario!
Escollemos a escala das persoas e das mesas compartidas, as cancións coñecidas e os encontros que deixan pegada.
Porque o Nadal tamén é un lugar de encontro.
Cantamos para celebrar encontrarnos e facer comunidade a través das panxoliñas, cantos de Nadal e de Reis. Con capas verdes, coroas de acivro, candeas. E se queres con piano de cola!
Unha canción. Unha praza. Toda unha comunidade.
Unha experiencia participativa de grande formato que converte unha canción pertence á memoria colectiva e á identidade nun ritual contemporáneo de comunidade.
