Para min, recién xubilada, desconectando do mundo laboral, foi como que xurdiu unha cousa xenial e marabillosa na que eu me sentín totalmente ben e me aportou moitísimas cousas.
Coñecín a xente marabillosa, que non imaxinaba que ía coñecer.

O ir aos ensaios apórtame ilusión, despois imos tomar algo, é como que temos un motivo para esforzarnos un pouco, saír da casa e é moi gratificante.
 

Cando saímos cantar, nas Experiencias de Mais Cantos, vivo unha sensación por momentos onírica, todos vestidos de branco, cantando esas cancións tan bonitas... É como ir en globo.
As conversas de tú a tú gústanme moitísimo. Coñecín grandísimos amigos.
Agora mesmo dinme... isto rematou... e para min sería como quedar mutilada, como que me ía faltar de súpeto algo moi importante na miña vida.
A nivel familiar non me aportou nada que non tivera, porque son afortunada, pero reafirmou a miña independencia.