QUENES SOMOS
MAIS CANTOS é unha agrupación musical moi ligada á musicoterapia social e o envellecemento activo que nace co obxectivo de empregar e vivir os cantos populares, tradicionais e cantos de taberna como canle para conseguir obxectivos terapéuticos como o benestar, o envellecemento activo ou a loita contra a soidade ou depresión das persoas maiores.
Dirixidos por Nelson Quinteiro, temos sesións regularemente todas as semanas e organizamos, de cando en vez, festas, foliadas, romerías e encontros para celebrar o ciclo festivo do ano e desfrutar dos nosos cantos e da nosa gastronomía.
6 ANOS DE HISTORIA!
Mais Cantos nace en setembro de 2017, grazas a diferentes grupos de persoas que, simultáneamente, se poñen en contacto con Nelson Quinteiro despois da experiencia "Supercantos" do Excmo Concello de Pontevedra.
Daquela ábranse tres grupos simultáneos en Pontevedra, Marín e Lourido (Poio) aglutinando a case un cento de persoas que paseniñamente comezan a ensaiar e proxectar actividades e experienciasde todo tipo.
O repertorio escollido por Nelson Quinteiro en forma de manual ou libro achega un cento de cantigas populares, tradicionais e de taberna, e axiña ármase unha boa base de traballo para crear ensaios conxuntos ou festas nas que coinciden os cantareiros e cantareiras das tres bisbarras.
Dende o noso inicio amosamos uha actividade moi intensa, participando en Festas como a Festa da Raia de Portonovo, Festas de San Xoán de Poio, Festas do Carme en Moaña, Festas do Carmen en Marín, Festas da Peregrina en Pontevedra, Chupinazo e Pregón das Festas de Santa Rosalía de Sanxenxo, Entroido en María Pita na Coruña, Nadal en Rianxo, Festas do Cristo en Cangas, Programación de Verán en Poio, etc... E chegando aos platós da TVG en programas como Luar, Vin polo Vento, Fun polo Aire, A Revista, etc...
E SEGUIMOS!
Despois de que a pandemia irrumpira das nosas vidas, durante un longo de tempo, as actividades de Mais Cantos víronse seriamente afectadas polas restriccións en canto a aforos, espazos onde realizar os nosos ensaios regulares ou distanciamento social.
Aínda así, dende o fin do confinamento nunca nos detivemos, e imaxinamos mil e unha fórmulas para poder seguir desfrutando desta actividade que tanto aleda os nosos corazóns.
Ensaios ao aire libre, grupos reducidos nos ensaios en interior.
Máscara facial en todo momento, ou paraugas abertos para asegurar a distancia entre nós á hora de cantarmos.
A actividade de Mais Cantos pasou momentos moi difíciles, debido á situación pandémica, e reduciuse en canto a grupos en activo e número de compoñentes.
Pero loitamos con forza! E grazas ao noso esforzo a día de hoxe seguimos a ser un bo feixe de gorxas e de compañeiros/as dispostos/as a cantar, a desfrutar e a compartir bos momentos!!!
ÚNETE A MAIS CANTOS!
Buscamos xente coma ti, con ganas de pasalo ben, de cantar e de coñecer xente. De armar festas e desfrutar do momento.
En Mais Cantos aprenderás a respirar, a entonar, a afinar, a facer voces, e compartirás cos teus compañeiros un repertorio cheo de cancións populares, tradicionais e cantos de taberna.
Poderás participar nas nosas excursións, experiencias e cantadas en grupo, e ás veces, mesmo convidar aos teus amigos e familiares.
E todo iso na mellor compañía e rodeado de boa xente.
Para xente de todas as idades e dun xeito alegre, vivo e moi activo.
Tampouco precisas cantar coma un merlo. Simplesmente chega con que teñas ganas de aprender e de pasalo ben!
Agardámoste!!!!