Mais Cantos está a piques de cumprir 10 anos e inicia un proceso de metamorfose e transformación para contar o que realmente somos. E dentro deste proceso, un dos primeiros pasos consiste en crear unha nova imaxe visual e un novo logotipo ó que demos en bautizar como "Loliña".
Loliña é a nova imaxe simbólica de MAIS CANTOS
Loliña nace da vontade de representar visualmente aquilo que MAIS CANTOS leva dez anos construíndo: un espazo humano onde as persoas poden volver atoparse a través da música, da emoción e do vínculo colectivo. Unha nena coroada de flores que representa a emoción compartida, a memoria afectiva, a alegría colectiva e a capacidade do canto para volver conectarnos coa parte máis viva, luminosa e humana de nós mesmos.
Loliña é unha metáfora visual da comunidade que somos.
¿Sabías que Loliña existe de verdade?
A historia
O seu nome é unha homenaxe real a unha nena que, dende bebé, acompañou os ensaios de Lourido porque a súa avoa, Fina, membro da comunidade, compartía con ela o tempo da vida cotiá e dos coidados.
Detrás desta pequena historia aparece tamén unha reflexión contemporánea sobre o valor silencioso das redes afectivas e familiares que sosteñen a sociedade actual: avoas e avós que acompañan, coidan, transmiten memoria e continúan sendo un piar esencial da comunidade.
Mais Cantos observa esta realidade desde o agradecemento e a conciencia colectiva.
Porque precisamente fronte a dinámicas sociais como a soidade non desexada, o idadismo, o baleirado do rural, o illamento tecnolóxico ou a fragmentación social, o proxecto reivindica a importancia dos vínculos humanos, da presenza e do encontro. Loliña simboliza así:
-
a transmisión interxeracional
-
o coidado mutuo
-
a memoria viva
-
os afectos compartidos
-
a comunidade entendida como lugar de pertenza e acompañamento.
¿Por que é así?
Un debuxiño
Loliña, como debuxo: é imperfecto, artesanal, espontáneo, delicado.
A ilustración remite á: infancia, debuxo manual, memoria, tradición oral, cultura popular, e ao caderno emocional compartido das pequenas comunidades.
MAIS CANTOS escolle unha imaxe que transmite: proximidade, tenrura, verdade, alegría, coidado, humanidade.
Non busca aparentar perfección.
Busca transmitir vida.
¿Por que a nosa bandeira?
A faixa inspirada na bandeira galega aparece como: símbolo de pertenza, identidade emocional, memoria compartida, territorio humano.
Representa a Galicia vivida desde abaixo: a das voces, das avoas, das prazas, das cancións de sobremesa, dos coidados, das relacións humanas..
A bandeira aquí abraza.
Funciona como casa.
Unha coroa vexetal
A coroa é un dos elementos simbólicos máis importantes da identidade visual de MAIS CANTOS. Por unha banda remite: á celebración, ás festas populares, á música compartida, aos ciclos comunitarios, e á cultura viva do país.
Pero tamén funciona como representación do ciclo natural do ano, conectando coas estacións, coa terra e coa memoria colectiva.
Esta mirada entronca tamén coas correntes de musicoterapia social desenvolvidas nos países escandinavos, onde natureza, comunidade, emoción e experiencia musical aparecen profundamente vinculadas
¿Por que unha nena?
A maioría dos integrantes da comunidade somos persoas maiores.
Pero o canto compartido produce algo extraordinario: permítenos reencontrarnos coa parte máis viva, libre, espontánea e luminosa de nós mesmos/as.
Neste sentido, a figura de Loliña conecta profundamente coas correntes humanistas da musicoterapia e especialmente coa tradición de "Nordoff-Robbins", modelo de musicoterapia creativa", que entende a música como un espazo capaz de activar a identidade máis auténtica, creativa e emocional das persoas. Loliña representa ese “neno musical” que continúa existindo dentro de nós independentemente da idade.
Mapa conceptual
